Baptist Youth Felowship of India (BYFI) ruahmanna-in August 13, 2023 (Pathianni) tlai dar 5:00 atanga zan dar 10:00 chhung hian India ram pum huapin Baptist Thalai member zawng zawng ten Manipur tan tawngtai an nei dawn a. Mizoram Thalai Kristian Pawl (MTKP) chuan Hun bi tuk chhungah darkar khat theuh Unit tin ten an remchan hun ruatin Biak In-ah emaw hmun ruat bikah emaw tawngtaina hi nei turin unit zawng zawng te an hriattir in an sawm a. Tawngtai thupui tur hrang hrang pakua siamin, thawn chhuah a ni.
Tawngtai Thupui:
- Manipur-a tharum thawhna leh thisen chhuahna tih tawp nghal a nih theih nan. Indona chu rang taka tihtawp a nihtheih nan leh remna nghet taka awm theih nan.
- Buaina avanga thihna tuar chhungkaw ten Pathian thlamuana te, A tihchakna leh an rilru na te tihdam a nih theih nan.
- Manipur mipuite tan Pathian ven himna kan dilpui ang. A bik takin buaina hmuna awm mek te tan Pathian hum himna leh an nitin mamawh tlachham lova an awm theih nan.
- Biak In leh chennain chhe tawhte sak that leh chei that a nihleh thuai theihna turin kan tawngtai sak ang. Hemi atana an mamawh bungruate an neih thuai theih nan.
- Manipur mipui te rilru hliam tuam dam a nih theih nan te, Buaina kara thlamuanna an neih nan te, thinlunga hliam na tak an tawrh te a lo dam theih nan te. Beiseina leh chhelna an thlarau nunah an neih zel theih nan.
- Buaina ching fel tura ram hruaitute an inrawlh thuai theih nan leh an buaina nasa tak an hriatpui a, hma an lak thuai theih nan. Pathian hruaina hnuaia buaina thlentu bulpui ber zawn chhuah a nih a, ralmuang taka an buaina hi chinfel a nih theih nan.
- Mi harsa tan puitu pawl leh mimal tanpuina leh puihna pek te, chakzawk leh him taka a mawmawhtu mipui te hnen a thlen thuai theih nan.
- He buaina chhuakin a nghawng te inkarah inremna leh inngaih damna tluan tling a awm theih nan te. Manipur-ah remna nghet tak a awm theih nan te, inhriatthiamna, inremna leh inbiakna boruak tha a lo awm theih nan leh thinlung sak te tih nema a lo awm theih nan.
- Manipur Baptist Convention member zawng zawng tan leh thalaite tan kan tawngtai ang.
