Lawngtlai Area ṬKP Co-ordination Committee hruaitu te chu 6-7 May, 2023 khan ṬKP Bungtlang South Pastor Bial tlawhin an fehchhuak a, hruaitu mi pakua an kal.
May 6,2023 (Inrinni) zan ah Hermon kohhran ah inkhawmin, Pu M. Lalromawia’n inkhawm a kaihruai a, ‘Lalpa hmantlak rawngbawlna’ tih thupui hmangin Pu Beiduasa’n Pathian thuchah a sawi a, Pathianni zingah M.Kawnpui kohhran ah hun hmangin, Tv B.Laldingliana–in inkhawm a kaihruai a, Rbt. N.Rosangliana, Treasurer (LAṬKP) in 'Pathian nena lendun’ tih thupui hmangin Pathian thuchah a sawi a, Pathianni chawhnu-ah Elim Kohhran, Bungtlang South ah Joint Fellowship neiin Tv. C.Remkunga’n fellowship hi a kaihruai a, Bungtlang South khaw chhunga ṬKP Unit hrang hrang te aṭangin report ngaihthlak a ni.
Pathiani zanah Elim kohhran ah Inkhawmin, Tv. Biakhmingthanga Pautu in Inkhawm a kaihruai a, Rbt. Elvis Lalthangzuala, LAṬKP Vice President-in ‘Kristian Chhungkua- Ṭhalaite mawhphurhna’ tih thupui hmangin thuchah a sawi bawk. Inkhawm a piang hian LAṬKP Secretary - Pu Rohluzuala Chhakchhuak leh an kalna Unit Seccretary te atangin Report ngaihthlak ṭhin a ni.
