August 7, 2023 (Thawhtanni) kha Lawngtlai Area TKP Coordination Committee din champhaphak (Rising Day) vawi 21-na a ni a, hemi ni pual hian Lawngtlai Area chhunga unit TKP hrang hrang te’n mahni unit remchan angin hun an hmang a ni.
Kumin LATKP Rising Day thupui hi “Krista leh Kohhran tan” tih a ni a, hriat theih chinah unit tam zawk chuan zan lamah inkhawmin hun an hmang a, LATKPCC hruaitute’n unit hrang hrangah thuchah an sawi a ni.
Lawngtlai Area TKP Coordination Committee hi kum 2002, August 7-ah din tan a ni a, kumin hi a kum 21-na niin, tin dinhmunah Lawngtlai Area chhungah hian TKP unit 89 a awm a, member 7922 an awm mek a ni.
