NEICC-YA - Biennial Conference neih a ni.

By Communications Dept.BCM

North East India Christian Council Youth Assembly (NEICCYA) Biennial Conference vawi-19 na chu ni 19 - 21 May, 2023 chhung khan PCI Durtlang Kohhran Biak In ah neih a ni a. Thupui atan “Intihsiakna tha chu bei in” (I Timothy 6:12) tih thu hman a ni.

MṬKP aṭangin Palai 30 (MṬKP OB-4, Executive Committee Member-4, leh Aizawl khawpui chhunga Pastor Bial hrang hrang TKP hruaitu 21 tel in, Asia Pacific Baptist Youth Federation (APBYF) Vice President - Rbt. Jacob Vanlalṭana khiangte leh NEICC President Rev. R. Lalnunzira te an tel. Area Baptist Choir, Aizawl ten he inkhawmpui ah hian rawngbawlna hun an nei bawk.

Rorel Inkhawm neih a ni a, Kum 2023-2025 NEICCYA Budget atan ₹ 5,30,500/- pawm a ni. 2023-2025 atana NEICCYA hruaitu atan heng mite hi thlan an bawk.

President :       Rossi Lallawmawma - CKṬP Mizoram Synod

V.President :   Hilarryson War - JSS, Church of God (Meghalaya&Assam)

Secretary :       Rev. D.S Roy Muktieh - CE Union, Ri Bhoi Presbyterian Synod

Asst.Secy:       F. Lalremruatpuia - MṬKP, Baptist Church of Mizoram

Treasurer:        Rev. L.O. Garod - JSS, KJP Synod Mihngi

Fin.Secy:         Rev. Alan L. Thiek - CKṬP, Independent Church of India (ICI)

Medical & Health Department, Christian Hospital, Serkawn-a Thawk lai, Pu C. Vanlalnghaka kan then ta.

Medical & Health Department, Christian Hospital, Serkawn-a Thawk lai, Pu C. Vanlalnghaka kan then ta.

Mizoram Baptist Kohhran, Medical & Health Department, Christian Hospital, Serkawn-a LDC hna thawk mek Pu C. Vanlalnghaka chu. May 1, 2024 (Nilaini) chawhma dar 11:40 khan Christian Medical College & Hospital, Vellore -ah chatuan ram min pan san ta. …

AICS-a Pathian Thu zir tur leh Church Music zir tur lak thar a ni.

AICS-a Pathian Thu zir tur leh Church Music zir tur lak thar a ni.

Mizoram Baptist Kohhran,  Theological Education Committee Meeting May 3, 2024-a neih chuan Academic Session thar 2024-2025 atan Pathianthu leh Church Music zir tur hetiang hian a la thar. 1. Master of Theology (M.Th) zir tur mi - 9 2. Bachelor of Divinity (B.D) zir tur- 24 3. Master of Divinity - 5 4. Diploma in Church Music zir tur  – 3 Result kimchang hre duh tan a hnuaia link tarlan ah hian en theih a ni a, tin PDF file hi download theih a ni e. …

BKHP Day hman a ni.

BKHP Day hman a ni.

#May 2, 2024 kha Baptist Kohhran Hmeichhe Pawl (BKHP) din champha phak vawi 86-na a ni a. Kumin BKHP Day thupui chu “Tho la i Pathian ko rawh’ (Jona 1:6) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang thei te chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Mission Field leh Kohhran harsa zual tanpui nan hman tura ruahman a ni. …