August 26 leh 27 hmang khan Tawipui Pastor Bial chuan BCM Biak In, Tawipui North – II ah Bial huap Sunday School Training leh Seminar an nei a. Resource Person-ah Rev. ZD Rodingliana, Director, Christian Education Department leh Upa Lalmuanawma Sailo, Sunday School Trainer te an hmang. Training-ah hian Sunday School Zirtirtu 25 vel an kal a ni.
Inrinni ah Resource Person pahnih ten chan insemin, chawhma leh chawhnu hun ah te then in training hi neih a ni. Pathianni-ah Tawipui North-II Kohhran-ah hun hmangin Sunday School Campaign neih nghal a ni a. Zing-ah Upa Lalmuanawma Sailo-in thuchah sawiin zan Inkhawm-ah Rev. ZD Rodingliana’n a sawi.
