Serampore Convocation November 22, 2024-a Baptist Theological College, Pfutsero, Nagaland-a neih ah Senate of Serampore College (University) chuan Rev. Joe Laldinpuia, Asst. Professor, AICS chu Doctor of Theology a hlan. Rev. Joe Laldinpuia'n Doctrate Degree a lakna (a doctoral dissertation title) chu “Divine Retribution in the Book of Job and its Contextual Relevance for Mizo Society” tih a ni. Rev. Dr. Joe Laldinpuia hian kum 2019-2023 chhûng khan D.Th (Old Testament) hi United Theological College, Bangalore-ah a zir a, kum 2022 khân a research tih chhunzawmin Princeton Theological Seminary (PTS), New Jersey, USA ah Doctoral Research Scholars Program (DRSP) tiin a zu awm bawk a ni. Tunah hian Thuthlung Hlui leh Hebrai tawng zirtirtu niin AICS ah an chhûngkuain an awm mêk a ni.

Mizoram Baptist Kohhran – Area Baptist Council (ABC) Rorel leh Inkhawmpui chu November 22 - 24, 2024 chhung hian ABC 17-ah neih a ni dawn a. November 22, (Zirtawp) zan atangin Inkhawmpui hi tanin, Inrinni nilengin ABC Rorelna neih a ni ang, ABC Executive Committee thute bakah Pastor Bial  atanga Agenda lut te, ABC kal tlanga Assembly 2025-a thlen tura chhawpchhuah te ngaihtuah a ni ang.

November 5, 2024 Chawhma dar 10:00 khan kum 2025 BCM Calendar leh Diary chu BCM Hall, Serkawnah Rev. Dr. R. Lalbiakliana, General Secrcetary-in Pathian hnenah hlanin, a tlangzarh. Tlangzarhna hun tawi ah hian Rev. Dr. Lalzarliana, Director, Communications Department-in Calendar leh Diary buatsaih dan tlangpui a sawi bawk.

Tunkar Nilaini leh Ningani (20&21 November, 2024) hmang khan Fellowship Department –in Planning-a an dah leh ruahman angin Aizawl Area KNP te pualin Winter Camp buatsaih a ni a. He Winter Camp ah hian thupui ‘Isua ka thlang’ tih a ni a, Murray’s Resort-ah neih niin Aizawl Area chhunga KNP member 165 leh hruaitu 30 zet an tel thei a ni.

November 11 - 15, 2024 chhung khan Asia Pacific Baptist Aid (APBAid) buatsaih - Micah Connect Asia 2024, Kathmandu Nepal-ah neih a ni a. Hetah hian BCM R&D atangin Nl. T. Lalfawnveli, Asst. Coordinator leh Tv. Zosangzela Zongte, Assistant, Executive Secretary Office, Aizawl te an tel.

Vawiin, November 18, 2024 khan Lunglei DC kal chhuak tur Pu R. Lalthazuala chuan BCM Office rawn a tlawh a. DC hi Pu James Miahlung, Addl. DC leh office staff thenkhatin an rawn tawiawm a ni.

November 17 (Pathianni) kha ‘Naupangte Ni’ a ni a. Kumin Naupangte Ni thupui chu ‘Naupangte leh Rawnbgawlna” tih a ni. Hemi ni hian tualchhung kohhran tinah naupangte ni thupui hmang hmangin naupangte enkawl leh kaihhruai kawnga nu leh pate mawhphurhna lam thuchah ngaihtlain hun an hmang a, Headquarters atanga Nuapangte Ni a chhiar tur buatsaih chu chhiarchhuakin, naupangte Item hrang hrang hmanga an rawngbawlna te ngaihthlak a ni bawk.

Vawiin, November 15, 2024 (Zirtawpni) chawhnu dar 1:00 khan School of Nursing, Christian Hospital, Serkawn chuan BCM Hall, Serkawn-ah ‘Graduation and Lamp Lighting Ceremony an hmang a. Rev. R. Lalnunzira, AGS Service, BCM chu khuallian niin, zirlai te leh anmani tawiawmtu an chhungte bakah sawm bik mi thehnem tak an tel a ni.

November 12 leh 13, 2024 khan BCM Thingkah, Lawngtlai North Pastor Bial chuan an Kohhran kum 100 tlinna (Centenary) an lawm a. Headquarters atangin General Secretary Rev.Dr.R.Lalbiakliana bakah Rev. Dr. F. Lalsangliana, Editor, Kohhran Beng & Baptist Today leh Rev. H. Lalfakzuala, MBMP Secretary ten Centenary hi an hmanpui a, Lawngtlai atangin BCM President Rev. F. Ramdinmawia leh Executive Secretary Rev. Dr. H. Lalthlamuana te, Pu FC Lalhualhima, Production Assitstant BCM AV ten he hun hi an hmanpui bawk.

November 13 (Nilaini) khan Relief & Development Department chuan Vaṭhuampui, Mautlang, Chamdurtlang leh Chamdur ‘P’ ah te chhungkaw harsa zual ṭanpui ngaite chhawmdawlna an sem a, Department director Rev. L. Vanlalsanga hovin R&D Thawktute - Pu Lalrinawma, Coordinator leh Project facilitator - Nl. Laldinthari Ralte leh Tv. Samuela (Driver) te an kal a ni.

November 5-7, 2024 khan ni thum awh BMS Asia Summit chu kolkotta, BMS House-a neih a ni. He Summit-ah hian Asia khawmualpuia Baptist Missionary Society (BMS) in a lo thawhpui tawh kohhran hrang hrang hruaitu te leh BMS lam hruaitu te kalkhawmin, Mission rawngbawlna kawnga nasa zawk thawh ho zel dan tur kawng te sawihovin, Asia khawmualpuia BMS thawhpui Kohhran te nen inrawnhona an nei.

Rev.Dr.R.Lalthanmawia, AGS-Mission chu Thailand leh Cambodia-a BCM Mission rawngbawlna te tlawh-in November 11 khan Headquarters chhuahsanin a kal a, November ni 13-15 chhung hian Thailand ah chamin, Rev. Thangridema leh Rev. Carey Vanlalmuana ten lo dawngsawngin, Mission partners te nen rawng kan bawlna hrang hrang te tlawhin kan rawngbawlpui Missionary leh hotute nen inkawmna te a neihpui a, 16 -19 ah Cambodia lamah hun hmang lehin Cambodia-ah hian Field Director Rev. J. Lalduhawma’n lo mikhualin Cambodia-a an rawngbawlna te a hmunah a enpui ang a, Tent Making Missionary lak thar te awmna tur leh rawngbawl dan tur te enin ruahmanna te an siam nghal dawn a ni. Cambodia atang hian November 21-ah Kolkata ah lo let lehin Aizawl-ah ABC Inkhawmpui a hmang nghal ang.

November 8-10 hmang khan Pastor Bial hrang hrang- Zotlang(Aizawl), Vairengte, Republic Vengthlang, Lawngtlai East, Lungsen leh Lengpui Pastor Bialah te  Bial TKP Inkhawmpui leh Bial TKP Rorel hetiang hian neih a ni:-

Director, Medical & Health Department report in a tarlan danin – October 2024 chhungin Christian Hospital Serkawn-ah damlo 2237 in entirin, an zinga 304 admit an ni a, nau piang 31 an awm laiin mitthi 13 an nei thung. Report kimchang hetiang hi a hi:-

Administrative Committee November 8, 2024-a thukhawm chuan a hnuaia hming tarlante hi General Service hna thawk turin a la thar.