November 7 & 8, 2024 (Ningani) khan Mizoram Baptist Kohhran a Office hrang hrang leh Institution hrang hranga Sum khawihtute leh account vawngtute pualin Sap Upa leh Pu Buanga Hall, Serkawn-ah Account & GST training neih a ni a. He hunah hian Resource person pahnih, Chartered Accountant, Guwahati (NC Das & Co.) atanga lo kal ten Training hi pe-in hlawk takin hun an hmang a ni.

Baptist Church of Mizoram, Pastoral Ministry Department Committee Meeting No 173, Dt 5-6, November 2024 a thu khawm chuan heng a hnuai a mite hi Pastor atan a la thar.

November 2, 2024 Inrinni khan Phuaibuang Pastor Bial sawmna angin Headquarters aṭangin Ruihhlo ṭhatloh zia inzirtirna Awareness Campaign hlawhtling taka hman a ni. Headquarters atangin Rev. R Lalnunzira AGS(Service), Rev. Lalremsiama Fanai, Manager Baptist Counselling Centre, Nl. R. Lalropuii, Campaigner leh Pu T. Lalnghakliana, Driver te kalin Upa Lalhmingthanga Capital Church Aizawl, Campaigner te nen hun an hmang a ni.

October 31, 2024 (Ningani) khan “Tho la I Pathian ko rawh” (Jona 1:6) thupuia hmangin Aizawl Area BKHP Coordination Committee buatsaihin, BCM Biak In, Central Church, Aizawlah Area BKHP Joint Fellowship neih a ni a. MBKHP hruaitute pawhin he hun hi hmanpuiin Aizawl khawpui chhung leh pawn atangin BKHP member an tel tha hle.

October 25 – 1 November 1, 2024 chhung AICS-a neih a ni a. Tun tumah hian CBC atangin pastor pahnih (2) te an rawn tir ve bawk a ni. Kum 2024-a Pastors’ Refresher Course nei te:

November 3, 2024 (Pathianni) zing dar 10:30 hian BCM Biak In, Bazar, Hnahthial-ah Missionary Tirhchhuah Inkhawm neih a ni dawn a. Tun tumah hian Cambodia-a kal tur, Mahni-a inchawm Missionary (Tent making Missionary) atana lak te - J. Vanlalpekzuala, BCM Bazar, Hnahthial leh H. Lalrinmawii, BCM Electric, Hnahthial te tirhchhuah an ni ang. Rev. Lalremsiama Ralte, Mission Director-in  tirchhuakin,  Rev. Dr. R. Lalthanmawia, AGS Mission in thuchah a sawi ang.

November ni 3, 2024 (Pathianni) hi khawvel Sunday School Ni a ni a, he Ni hi Mizoram Baptist Kohhran chuan kohhran tinah Pathianni zing inkhawm ah thupui thlansa hmangin urhsun takin a hmang thin a. Kumin Khawvel Sunday School Ni thupui chu “Pathian thu kan kawng entu” (Sam 119:105) tih a ni. Hemi ni hian Sunday School lamah pawh Khawvel Sunday School Ni puala zir tur buatsaih chu zir a ni ang.

BCM Mission Board Committee Meeting No – 62, dated 31st October, 2024 (Thursday)-a thukhawm chuan a hnuaia hming tarlante hi Missionary-a thawk turin a la thar.

October 26 leh 27, 2024 hmang khan MṬKP hruaituten ṬKP Paithar Pastor Bial an tlawh a. Tun tumah hian MTKP hruaitu – Executive Committee member pathum – Pu Lalrammuana Sailo, Pu Jeffrey Lalremruata leh Nl. H. Lalengliani te an kal a ni. MTKP hruaitute hi Bial TKP Hruaitute ten Bialtu Pastor hovin Pastor Quater ah an lo hmuak a, Paithar unit te nen chawhlui an kil ho nghal a, zan lamah Paithar Kohhranah  inkhawmin Pu Lalrammuana Sailovin thuchah a sawia,  MTKP report tlangpui ngaihthlak a ni bawk.

Medical & Health Committee Meeting dated 30th October, 2024-a neih chuan a hnuaia hming tarlan hi Dietician Assistant (Contract), Christian Hospital Serkawn-a thawk turin a la thar a. 1st November, 2024 (Friday) Dar 10:30 Am-ah Director, Medical & Health Department, Christian Hospital Serkawn hnenah Joining Report a pek hnuin a thawhna hmun zawm tura tih a ni.

October 25-27, 2024 chhung khan “Thalai Hmantlak” tih thupui hmangin Aizawl Area TKP Meet 2024 chu Baptist Centre, Falkland, Aizawlah neih a ni a. Speaker-ah  Upa R. Lalrochama, President, MTKP leh Rev. Dr. Joe Laldinpuia, Asst. Prof. AICS te hman an ni.

Mizoram Kohhran hrang hang te inpumkhatna atana Kohhran hrang hrang aiawh ten ruahmanna an siam angin Council of Churches in Mizoram chu October 27, 2024 (Pathianni) chawhma dar 10:30 khan Mizoram Presbyterian Kohhran Biak In, Missionveng-ah hawn a ni ta. Council of Churches in Mizoram Hawnna Inkhawm hi Rev. Dr. R. Lalbiakiana, General Secretary, BCM-in kaihruaiin, Pathian Chibai buk tur leh Pathian fak tura Kohhran mipui te sawmna neiin Pathian hnenah Inkhawm a hlan a, hemi zawh hian Rev. R. Vanlalnghaka, Moderator, MPC leh Chairman, Joint Committee-in Council of Churchches in Mizoram hawnna leh Pathian hnena hlanna a nei a, Pu Lalruatkima, Joint Committee Recoding Secretary,  CCM-in CCM hruaitu atana ruat te hmelhriattirna a neih hnu-ah Rev. Dr. H Remthanga'n hruaitute lakluhna (Installation) a nei a. Mizoram Chief Miniter - Upa Lalduhoma leh Rev. Ramengliana, North East India Christian Council (NEICC) Secretary ten chibaibukna sawiin, Rev. Dr. Lalhmangaiha, General Secretary, CCM-in thu a sawi bawk. BCM Choir leh LIKBK Assembly Choir ten fakna hla remin Rev. Lalhuapliana (IKK) in malsawm tawngtaiin inkhawm a khar ta a ni.

Mizoram Kohhran te inpumkhatna atana Kohhran hrang hrang aiawh ten ruahmanna an siam angin Council of Churches in Mizoram chu October 26&27, 2024 hmang hian CCM Rorel leh inkhawmpui hmasa ber chu Mission Veng Presbyterian Kohhran Biak In, Aizawl-ah neih a ni dawn ta. Inrini chhun dar 12:30 atangin Rorel Inkhawm neih a ni ang a, CCM Rorel-ah hian Kohhran pawl hrang hrang atangin awiawh (Palai) tel thei tur mi 552 zet an awm dawn a ni. Inrinni zanah Palai lawmna Inkhawm neih a ni ang a, Kohhran hrang hrang aiawhte hnen atangin report tawi nghaihthlak a ni bawk ang.

October, 19, 2024 (Inrinni) khan Mizoram Ṭhalai Kristian Pawl Executive Committee Meeting Vawi 549 (15 of 2022-2025) chu Sap Upa leh Pu Buanga Hall, BCM Hqtrs.-ah neih a ni. Meeting hi Upa R. Lalrochama, President MṬKP chuan kaihruaiin, MṬKP Secretary Rev. F.Zorinkhuma hnen aṭangin MṬKP hmalakna hrang hrang report ngaihthlak a ni a. Report kim chang hi rorel member te hnenah ziaka sem a ni.Tun tum meeting-ah hian MTKP Inkhawmpui, February 13-16,, 2025 a neih tur Programme ruahmanna te thlirin an pawm a ni.

Serving in Mission (SIM) Internation hruaitu mi pali te chu Ocober 18 (Zirtawpni) khan Mizoram rawn thlengin, Mizoram Baptist Kohhran hmunpui, Serkawnah an tlawh a,  SIM hruaitu lo kal te hi SIM International Director - Pu. Phil Bauman leh a nupui Pi Ms. Andrea Bauman te, Director of Relationship Development - Ms. Christabel Khiangte Corazza  leh Deputy Director, SIM North East India, Shillong -Rev. Thlohnei Fachhai te an ni. SIM mikhual te hi General Secretary Rev. Dr. R. Lalbiakliana hovin Headquarters hruaituten an lo dawngsawng a ni.