February ni 8 -11 khan “Isaia 54:2 “I puan In hmun te chu zauh rawh” tih thupui-a hmangin Bru Baptist Church Assembly Vawi 16-na chu Kananktapara, Tripura Area ah neih a ni a, Inkhawmpui chhimtu mikhual 910 kal khawmin, Rorel palai 221 an kal. BBC Assembly-ah hian BCM aiawhin Rev. Habert Rorrelliana Sailo, Administrative Officer, (BBC) leh missionary Pu R. Thangluaia te an palai a ni.

February 9, 2024(Zirtawpni) khan Baptist Church of Mizoram (BCM) leh Chin Baptist Association of North America (CBANA)  te thawhdunna leh ruahmana-in, Zokhawthara Raltlan te pualin Free Medical Clinic neih a ni a, District Hospital Champhai Doctor, Nurse, Lab Technician, Pharmacist leh Dietician leh staffs mi 15 te bak ah Aizawl atangin Upa Dr. K.L. Remsanga leh a naute 3 in Medical Free Clinic hi an buaipui a ni.

Vawiin, February 10, 2024 hi Christian Hospital, Serkawn kum 101 a tlinna  Anniversary a ni a, hemi ni denchhen hian Hospital Operation Theatre (In zaina room) thar  leh Blood centre thar hawnna leh Pathian hnena hlanna zing karah neih a ni a,   Department hotute leh  Christian Hospital a thawktute an kalkhawm a ni.

Mizoram Baptist Mipa Pawl Rorel Vawi 3-na chu vawiin, February 9, 2024 khan BCM Biak In, Ebenezer, Zobawk South Pastor Bial-ah neih a ni a. Rorel inkhawm hi MBMP President Rbt. Chawngrolura Chawngthu-in a kaihruai. Rev. H. lalfakzuala, Secretary bakah Pu Lalnunsanga Pachuau, Treasurer leh Pu Vanlalpeka, Fin.Secretary ten sum dinhmun report an pe bawk. Kumin MBMP Rorel-ah hian Mizoram hmun hrang hrang Bial leh Unit BMP aiawh rorel palai member 414 an tel thei a, hun hmasa lamah kum 2023 Rorel leh Kumin rorel inkara BMP member chatuan ram pan ta te sunna neiin, Member boral 271 sun an ni.

February 3 leh ni 4 hmang khan ȚKP Kanhmun Pastor Bial Inkhawmpui Vawi 7 -na chu BCM Biak In, Kanhmuna ah neih a ni a. Inkhawmpui Thupui-ah 'Pathian  hmangaihna ' tih thu hmangin MTKP President Upa R.Lalrochama chu Speaker-ah an hmang. President bakah hian MTKP hruaitute - Executive Committee Member pahnih Pu K. Lalrintluanga leh Nl. Nancy Lalmuankimi ten hmanpuiin, Tv. H. Rosangliana, Moria Unit in zaia rawngbawlin a tawiawm bawk.

February 3-4, 2024 hmang khan Jampui Sakhan BMP Inkhawmpui vawi 6-na chu Hmawngchuan Baptist Biak In, Tripura-ah neih a ni a. Inkhawmpui thupui atan “Thil Tha tih” Ephesi 2:10 hman a ni. MBMP Secretary Rev. H. Lalfakzuala chu speaker niin, Aizawl Area BMP Coordination hruaitu phanih Upa F. Lalengzauva leh Upa H. Thanzuala te MBMP aiawha palaiin an kal bawk.

ṬKP Ramhlun Pastor Bial te chuan February ni 4, (Pathianni) tlai khan Annual Plan bul ṭan nan bial huap chawnghei ṭawngṭai an nei a, Unit tinin an Biak Inah ṭheuh Chawgnhei tawngtai hi an hmang thei a ni.

Director, Medical & Health Department report in a tarlan danin – January 2024 chhungin Christian Hospital Serkawn-ah damlo 1985 in entirin, an zinga 315 admit an ni a, nau piang 47  an awm laiin mitthi 10 an nei thung. Report kimchang hetiang hi a ni:-

February 8, 2024 (Ningani) zing dar 7:30 khan Serkawn Melte-a BCM Ramzotlang, Serkawn Biak In Pahnihna atan Biak In Lungphum phumna neih a ni a. Biak In pungphum programme hi Upa C. Laltlansanga, Building Committee Chariman-in a kaihruai a. Biak In hmun lei dan leh ruahmanna siam dan report tlangpui ngaihthlak a nih hnu-ah Rev, Dr. C. L Hminga’n Lungphum hi phumin Pathian hnenah a hlan.

Mizoram Baptist Kohhran huang chhunga tawngkam hman dan leh thuziak dan kalphung te inangtlanga hman a nih theih nan ‘Baptist House Style’ buatsaih ni se ti-a 2023 Assembly in a rel bawhzui tura ruat Sub-Committtee in a buatsaih leh ruahman chu peihfel a ni tawh a. He inkaihhruaina hi lehkhabu-a chhuah a nih hma in Sub-Committee ruahmanna in February 8, ningani khan Committee Room No.1, Headquarters Office Serkawn ah inrawnkhawmna neih a ni a.

MBKHP ten Christian Hhospital tanpui nan unit tin vawikhat fehchhuaha an sum hmuh Rs 909,068/- chu Christian Hospital, Lawngtlai Poor Patient Fund atana pek tura an rel angin, February 4, 2024 (Pathianni) khan MBKHP hruaitute  - Dr. Zoramthangi, Fin.Secretay leh Rbt. V. Biaklawmi, Asst. Secretary te Lawngtlai-ah kalin an hlan

Mizoram Baptist Mipa Pawl Rorel Vawi 3-na chu vawiin, February 9, 2024 khan BCM Biak In, Ebenezer, Zobawk South Pastor Bial-ah neih a ni a. Rorel inkhawm hi MBMP President Rbt. Chawngrolura Chawngthu-in a kaihruai. Rev. H. lalfakzuala, Secretary bakah Pu Lalnunsanga Pachuau, Treasurer leh Pu Vanlalpeka, Fin.Secretary ten sum dinhmun report an pe bawk. Kumin MBMP Rorel-ah hian Mizoram hmun hrang hrang Bial leh Unit BMP aiawh rorel palai member 414 an tel thei a, hun hmasa lamah kum 2023 Rorel leh Kumin rorel inkara BMP member chatuan ram pan ta te sunna neiin, Member boral 271 sun an ni.

Mizoram Baptist Kohhran Chanchin-a rahbi tam tak lo chhu tu Rev. B. Thangchina chuan February 2, 2024 zing dar 2:40 khan kum 84 mi niin khawvel chhuahsanin a rawng a lo bawl thin,  Lalpa hnenah a chawl ta. Hemi ni vek, chawhma 11:00 ah a chenna inah thlahna neih a ni a, Rev. R. Zohmingliana, Kohhran Chairman-in a kaihruai a, chhungkaw aiawhin Rev. Dr. B. Lalramhluna’n thu a sawi.

January 27, 2024 (Inrinni) zing karah khan Aizawl Area Development Committee leh BCM R&D tangkawpin Sihhmui, Sairamg, Lengpui, Khamrang leh Aizawl khawpui chhunga Raltlan awm te tanpuina Baptist Centre, Falkland-ah sem a ni a. Area Development Committee member te leh Bial leh Tualchhung Kohhran hruaitu te, Area ṬKP Coordination hruaituten an ṭawiawm a ni.

Fenbruary 1 (Ningani) chawhnu dar 2:00 khan Committee Room No. 1 Hqrs. Office, Serkawnah Fak lam Intihsiak Sub.Committee Meeting neih a ni a, tun tumah hian Fak lam Intihsiak kal mek Final hun leh tul hrang hrang te an ngaihtuah a ni.