Christian Conference of Asia (CCA) General Assembly hnuaia rorelna peng pawimawh tak pakhat – ‘Asian Ecumenical Women's Assembly’ (AEWA) 2023 chu September 25-28, 2023 chhung khan Kottayam, Kerala-ah neih a ni a. He hunah hian BCM Represent in MBKHP chuan Exdecutive Committee member pakhat - Pi Zohmangaihi (Tebawihi) kal tura a ruat angin a tel a, Jessie Lalramneli, NEICC-WA Secretary pawh he hunah hian NEICC aiawhin a tel bawk.

September 24 (Pathianni) zan khan BCM Republic Vengthlang chuan kum tina an lo hman tawh ṭhin angin The Leprosy Mission Nite an hmang a, he hun ah hian Rev. TC. Zodinsanga, Executive  Secretary, The Leprosy Mission, Mizoram chu Speaker ah hman a ni.

Ṭhalai Kristian pawl, Mampui Unit chuan an Unit din champhaphak vawi 75-na (Platinum Jubilee) chu September 26 & 27, 2023 khan an lawm a, Jubilee thupuiah "Hei lehchen hi Lalpa’n min pui a ni" (I Samuela 7:12 ) tih hmangin, Speaker-ah Rev. C. Vanlalhruaia, Bialtu pastor Mualthuam ‘N’ Bial an hmang.

ṬKP Lunglawn Pastor Bial te chuan September 22-24,2023 chhung khan, II Korinth 6:4 thu 'Engkimah mi mittlungin kan awm zawk ṭhin' tih thupuia hmangin BCM Biak In, Lunglawn East ah Bial ṬKP Meet an nei a, Speaker-ah Rev.Sangliankhuma Chinzah, Bialtu Pastor hman a ni. Inkhawm apiangin Speaker thuchah bakah Unit hrang hrang Zaipawl te, Live band, Group zai leh Mal zai te ngaihthlak thin a ni a, Worship dance leh Musical Drama hmanga Pathian thuchah ngaihtlak leh thlirho a ni bawk.

September 21, 2023 khan Manipur buaina avanga zohnahthlak tam tak, Mizorama raltlana awm te tlawh leh chhawmdawlna te pe-in BCM Relief Team te Lunglei chhuahsanin an kal. BCM Relief Team te hi Rev. L. Vanlalsanga, Director leh Nl. T. Lalfawnveli, Asst.Coordinator te kalin, Kolasib-a R&D Staff pahnih Nl. Bethsy Lalhruaizeli leh Tv. Reuben Lalhruaizela ten an lo tawiawm bawk. BCM Relief Team te hian tanpuina cheng Nuai 6 man hu - ei leh In tur bakah  mamawh hrang hrang an sem a ni.

September 23 & 24, 2023 hmang khan Kristian Naupang Pawl, Zawlnuam Pastor Bial chuan BCM Biak In - Vengpui, Zawlnuam-ah “In nu leh in pate thu zawm rawh u"  Ephesi 6:1 thupuia hmangin Bial KNP Inkhawmpui an nei a, Speaker-ah bialtu Pastor Rev. K. Lalrammawia an hmang.

Assam Field Dhubri Area a BCM in rawng kan bawlna kum 50-na (Golden) Jubilee chu September 16-18, 2023 chhung khan Assam Field Headquarters Dhubri ah hman a ni a. Dhubria Area huam chhung, North-West Assam Baptist Church (NABC) hnuaia Kohhran hrang hrang atangin he Jubilee hmang hian mi 300 Chuang an kal khawm a, Mizoram atang pawhin Audio Visual Production thawktu te Jubilee lawmna Video Coverage tih sakin an kal a ni.

September 19, 2023 (Thawhlehni) khan ‘Our Daily Bread (India) hruaitu te Director - John D. Samuel leh Asst. Director – Moses te chuan BCM Headquarters rawn tlawhin, Rev. R. Lalbiakliana, General Secretary leh Rev. Dr. R. Lalthanmawia -AGS Mission bakah Pu Lalruatkima, Administrative Officer ten lo dawngsawin, General Secretary room-ah inkawmhona an nei

September 19-22, 2023 chhung khan Bibles International (BI) leh Baptist Church of Mizoram (BCM) buatsaihin Baptist House, Upper Khatla, Aizawlah Chakma ṭawnga Bible lehlin mek atan Linguistic Workshop neih a ni a. Chakma lam aṭangin mi 17 leh Chakma zinga thawk Missionary te aṭangin mi pathum an tel.

September 15-17, 2023 khân ṬKP Shillong Pastor Bial Inkhawmpûi vawi 33 na chu BCM Biak In, Madanriting, Shillong-ah neih a ni a. Inkhawmpui Thupûi-ah 'Lalpa Hmantlâk Ṭhalai te' tih thu hman a ni a, Speaker Upa R. Lalrochama President, MTKP  hnen aṭangin thuchah ngaihtlak thin a ni.

September 16, 2023 (Thawhlehni) khan Layman Evangelical Fellowship, Mizoram hnen atanga  Pastor Rev.Immanuela rawn ken  Audio Bible chu Sap Upa leh Pu Buanga Hall, BCM Headquarters Office-ah Communications Department Dirtector Rev. Dr. Lalzarliana kaihhruaina-in sem a ni.

September ni 17, 2023(Pathianni) khan MṬKP hmalakna umzuiin ṬKP Luangmual Unit, Lunglei-ah Ruihhlo ṭhatlohzia inzirtirna neih a ni a. He hunah hian Lalbiaknia Chhakchhuak, Secretary MṬKP Ruihhlo ṭhatlohzia inzirtirna Sub.Committee chu Resource Person atan hman a ni.

September 15-17, 2023 hmang khan Kristian Naupang Pawl, Kolasib Pastor Bial chuan BCM Biak In Diakkawn-ah Sam 73:28 thu ‘Pathian Hnaih’ tih thupuia hmangin Bial KNP Inkhawmpui Vawi 10 na an hmang a, Speaker-ah KNP Trainer Pi Ammie Lalnunpuii an hmang. Speaker hi a pasal leh fate 3 in an tawiawm a, an fate pawhin special item te neiin Inkhawmpui an ti phuisui hle.

September 15-17 hmang khan BCM Chanmari Vengthlang, Lunglei chuan Pu T. Nghaksanga, Mission Promoter Speaker-a Mission Crusade an nei a. thupui-ah ‘Pathian leh Kohhran Mission’ tih thu hman a ni.

September 15-17 hmang khan AGS-Service Rev. R. Lalnunzira chuan BCM Peniel, Hnahthialah Crusade Speaker niin hun a hmang a, Crusade hi Zirtawp zanah tanin, Inrinni chawhma-ah Sermon Inkhawm neiin Chawhnu lamaah Kohhran Hruaitute leh Fellowship hruaitute pualin Semianr a neihpui a, Kohhran thurin hrilhfiahna leh chhuizauna thupuia hmangin zirtirna a nei a ni.