Mizoram Baptist Kohhran, Relief and Development Department, chuan kum 2023 – 2027 Batch atan General Nursing & Midwifery, Christian Medical Centre Pithapuram, Andra Pradesh-a zir tur mi panga a la thar a, heng Nurse zir tura lak tharte hian thil tul te an tihfel hnu-ah September thla atangin zirna an tan ang. Chungte chu:-

August 24, 2023 (Ningani) khan BCM Hall Serkawn-ah Ni khat awh Assembly Executive Committee Meeting neih a ni a. Meeting hi Rev. KV Thanga, BCM President-in a kaihruai a, Member te lawmna leh fuihna tawi sawiin, Pathian hnenah meting a hlan a. General Secretary- Rev. R. Lalbiakliana’n Department hrang hrang report te khaikhawmin a pe a, Report atanga zawhna te a chhang nghal bawk. Tun tumah hian Committee member 345 atangin 293 meetingah an tel thei a ni.

August 22, 2023 (Thawhtanni) khan SIRD Conference Hall, Durtlang Aizawlah CASA in Project hrang hrang-a an thawhpui te ko khawmin meeting leh Training an buatsaih a. R&D Department aiawhin Project Incharge Nl. Bethsy Lalhruaizeli leh Kolasib District-a BCM R&D leh IPED Project - People’s Organisation aiawh member pahnih an tel.

August 19-20, 2023 khan BCM Theiriat chuan Mission Director, Rev Lalremsiama Ralte Speakera hmangin Mission Convention an nei a. Convention Thupui ah, II Korinth 5:20 thu 'Krista aia palai kan ni' tih chu hman a ni.

Revival & Evangelism Committee chuan Evangelistic Team Recognition dil thar atangin Krista Chhanchhuahte Team – Speaker Rbt. K. Lalremruata, Sihphir te chu recognition a pe a. Heti hian BCM hnuaiah Evangelistic Team 56 an awm ta a ni.

August 22, 2023 (Thawhlehni) zan khan Baptist Centre, Falkland sak mek ah Aizawl East Pastor Bial TKP te chuan Bial huap hnatlang an nei a, member 114 hnatlang in an thawkchhuak a ni. Hnatlangah hian Brick engemawzat thiar in, hnathawhna sulhnu Cement nawi leh hnawk paihfai hna thawh a ni a. Hnatlang te ei leh in tur Executive Secretary office lamin an buatsaihsak bawk.

August 19-20, 2023 chhung khan MBKHP hruaitu te chuan ‘Tlawh khat bial tlawh’ programme kal zelah BKHP Phuaibuang Pastor Bial an tlawh a. MBKHP Hruaitute Dr. Zoramthangi, Fin. Secretary leh Executive Committee member pahnih – Pi Lianropuii leh Pi HK Lallianzauvi te an kal

Vawiin, August 18, 2023 chawhma dar 11 khan Headquarters-a hman tur motor thar Scorpio S11 (Classic) Pathian hnena hlanna neih a ni a. Motor thar hlanna hi Headquarters Office kawt zawl ah nei in, Director, Property Department Er. Victor Lalrinmawm’n  motor thar lei a nih dan report tlangpui a tarlan hnu ah Rev. Dr. F. Lalsangliana, Editor Kohhran Beng & Baptist Today in Pathian hnena hlanna leh lawmthu sawi tawngtaina a hmang.

August 20, Pathianni hian Asia Pacific Baptist Federation atanga ngenna angin, tualchhung kohhran tin-ah APBF puala hun hman a ni dawn a. He hun ah hian APBF in Mizoram Baptist Kohhran te min ngen ang in Manipura chi leh chi inkara buaina avanga harsatna thleng mek tana tawngtaina le h Kumin November 17-18 chhunga APBF Golden Jubillee lawmna Singapore-a neih tura ruahman alo hlawhtlin theih nana tawngtaina hun hman a ni ang.

Mizoram TKP Roreln-in Ruihhlo ngai te pual leh kan ramah Rorelna dik a awm theih nan Ram pum huap Chawnghei tawngtai ni se tia an thurel bawhzuiin,  August 20 (Pathianni) thian ram pumah TKP Unit tin ten MTKP atanga Tawngtai Thupui siam sa hmangin chawnghei tawngtai hi an nei dawn a ni. Tawngtai thupui tur hetiang hian siam a ni:-

Haulawng Pastor Bial chuan Rev. Dr. R. Lalthanmawia, AGS-Mission speaker-a hmangin August 12 & 13 hmang khan BCM Biak In, Haulawng-ah Mission Convention an nei a. Thupui-ah “Ram lah chu lak tur a la tam mai si a” (Joshua 13:1)  hman a ni.

Kumin September thla, Beirual thuzir bu ‘Lalpa lo kal lehna’ tih Rev. C. Lalrochama ziak chu Pastor Bial hrang hrang ah thawnchhuah mek a ni a. Mahni lawina Tualchhung Kohhran-ah bu khat Rs. 30/-in lei theih a ni ang.

Asia Pacific Baptist Federation Golden Jubillee lawmna-a an hun hman tur inbuatsaihna atan BCM Choir  chuan Worship Department ruahman angin August – October thla chhung hian Pathianni zing leh Pathianni zan-ah te Lunglei khawpui chhunga Kohhran hrang hrang tlawha rawngbawlna neiin an kal kual mek a. BCM Office-a thawk kohhran hruaitu ten kaihruai in rawngbawlna hun an hmang thin a ni.

​​​​​​​Aizawl Area BKHP Coordination Committee hmalakna in August 15, 2023 (Thawhlehni) khan BCM Biak In, Chaltlangah Aizawl khawpui chhung BKHP unit hrang hrang te huap in Chhawmdawlna In Awareness Campaign a buatsaih a. Pi Hmangaihkimi, Chairman Aizawl Area BKHP Coordination Committee in a kaihruai a, Pi Lalbiaktluangi, Secretary, hnen atangin report ngaihthlak a ni. BKHP Bawngkawn Unit atangin Group zai ngaihthlak niin, Chhawmdawlna in chungchanga zirtirna Dr. Chawngthanpari hnen atangin ngaihthlak a ni.

Bial ding thar tlawh programme hmangin August 12-13, 2023 chhung khan MBKHP hruaitu ten BKHP Bethel Pastor Bial, Champhai an tlawh a. MBKHP President Pi PC.Lalvohbiki, Secretary Lalhmingmawii Chongthu leh Pi V.Zothanbuangi, Exe.Committee memter te an kal.