May 5-6, 2023 khan Pastor Bial hrang hrang ah TKP Meet hetiang hian hman a ni.

May 4-6, 2023 khan BCM Edenthar, Serchhip chuan an Kohhran kum 25 tlinna (Silver Jubilee) an lawm a. May 4, Ningani zanah Kohhran Jubilee hawnna Inkhawm neiin, Serchhip Pastor Biala Bialtu pastor lo ni tawh te leh Pro.Pastor lo awm tawh te hnen atangin chibaibukna ngaihthlak a ni a, Upa Zoramthanga, Kohhran Chairman-in thuchah sawiin, Inkhawm banah Biak In hlui tlang-ah Jubilee meidet a ni.

May 6 leh ni 7 hmang khan Worship Department hmalakna-in Buarpui South Bial-ah Worship Seminar neih a ni a, Seminar neihpui hian Rev. ZD Rodingliana, Director, Worship Department leh Worship Trainer te - Upa R. Lalbiakzuala, Rahsiveng leh Upa K. Lalthansanga Zion te kalin, Nl. Miriam Lalnundiki'n zaia rawngbawlin a tawiawm bawk.

May 5, 2023 (Zirtawpni) khan  Higher and technical Institute, Mizoram (HATIM) –a Zirtirtute'n National  Education Policy 2020 hman tan chhoh dan tur zirhona an nei a. Principal Pu V. Vuansanga’n tanna leh Programme sawifiahna a nei

May 1-5 inkar khan Mizorama chanchintha lo thlen dan documentary film siam meka hmunhma pawimawh; Silchar leh a chhehvela Sap Upa leh Pu Buanga ten sulhnu an neihna te en in Audio Visual Production Manager C.Lalhmachhuana leh Production Assistant F.Lalrammawia te chu an kal.

Kum dang ang bawkin “Kristian chhungkaw Chawlhkar” chu May 8, 2023 (Thawhtan) zan atang khan Chhungkaw tinah hman tan a ni a. Chhungkaw thuzir tura buatsaih chu chhungkaw inkhawm-ah chhiarin zir tan a ni. Kumin Kristian Chhungkaw Chawlhkar thuzir hi Rev. Joseph Vanlalruata ziak a ni.

BCM Assembly Puipate leh Department hruaitute inrawnkhawmin an rel angin, kan thenawm State, Manipur-a buaina nasa tak thleng mek-ah, remna leh muanna a awm theih nan,  May 10, 2023 (Nilai zan) Pathian Biak Inkhawmah Mizoram Baptist Kohhran hnuaia Tualchhung Kohhran zawng zawng te  tawngtairualna nei theuh turin General Secretary Rev. R. Lalbiakliana chuan hetiang hian ngenna siam.

May 6, 2023 inrinni Khan BCM Shillong Pastor Bial Sunday school Committee buatsaihin, Bial chhunga Sunday School zirtirtute pualin Seminar a buatsaih. Resource person ah NL. Dr. Saron L.Zadeng leh Dr Zoliansanga te hman an ni.

May 5, 2023 (Zirtawpni zan) khan ṬKP, Aizawl East Pastor Bial chuan Bial ṬKP Rorel in a pass angin  Bial huap-in Ṭawngṭai tlaivar Programme an hmang a. Zan dar 10 aṭanga ṭanin unit tinah he hun hi zing dar 5 thleng hman a ni.

Mizoram Baptist Kohhran, Theological Education Committee Meeting May 5, 2023-a neih chuan Academic Session thar 2023-2024 atan Pathianthu zir tur hetiang hian a la thar.

May 4, 2023 (Ningani) khan Higher and Technical Institute, Mizoram-in BSW, BA(English), BA(History) leh BA(Philosophy) subject-ah te permanent affilliation Mizoram University-a an dilna bawhzuiin Mizoram University lam leh Mizoram Sorkar - Higher & Technical lam atangin indiktu lo kal Inspection Team-in an rawn endik.

Tunkar Nignani, May 4, 2023 chawhnu dar 01:30 khan Missionary Pi B. Laldinpuii (Te-i), Pi B. Laldinpuii, Evangelist Teacher, BMS, Betbonya-a thawk, April 19, 2023 a boral ta chu  BCM Workers Condolence Scheme (WCS) ten Headquarters Office, AGS Mission Room-ah an ral. Ralna hi a pasal Pu K. Lalrualkima hnenah hlan a ni. He hunah hian WCS hruaitute bakah Hqrs. Office a Department hotu thenkhat te an tel a ni.

May 4, 2023 (Ningani) kha Baptist Mipa Pawl (BMP) din champha phak vawi 43-na a ni a, BMP awmna Unit tinah thupui Headquarters atanga thupui thlan sa “Intodelh” tih hmangin hun hman a ni a. Zing karah Social Service te neiin, Unit thenkhat chuan chhun lamah infiamna leh intihhlimna tein hun an hmang a, Mizoram BMP hruaitu te pawhin Unit hrang hrang-ah hetiang hian BMP Day hi an hmanpu a ni.

Director, Medical & Health Department report in a tarlan danin -  April 2023 chhungin Christian Hospital Serkawn-ah damlo 1652 in entirin, an zinga 297 admit an ni a, nau piang 23  an awm lai in mitthi 7 an nei thung. Mi 97 zai an ni a, an zinga 47 chu Zai pui (Major Operation) an ni. Laboratory-ah mi 1590 exam an ni a, mi 262X Ray-in dam lo te hnenah thisen unit 53 pek a ni.

Kar hmasa leh tunkar chhunga Mission rawngbalwna chanchin kan hriat theih te lo tarlang i la.