May 2, 2023 (Thawhlehni) hi Baptist Kohhran Hmeichhe Pawl (BKHP) din champha phak vawi 85-na a ni a. He Ni hi BKHP Unit tinah hman a ni. Mizoram BKHP chuan he Ni hi Khawtlang tana mi tangkai ni tura inzirtirna leh thiltha tih nana hmang uar tura chahin Bial leh Unit tinte hnenah ngenna a siam a. Unit tam zawk chuan MBKHP-in a duh dan angin, zingkarah mahni awmna veng leh a chhehvel tifaia hnatlang an nei

Workers' Condolence Scheme General Meeting hi April 26, 2023 nilaini khan BCM Hall, Headquarters Office Serkawn ah neih a ni a, thawktu 73 an kal thei. WCS Chairman Upa K. Lalnuntluanga'n Meeting a kaihruai a, Upa Biakchungnunga Secretary hnen atangin report tlangpui ngaihthlak a ni. Secretary report in a tarlan zing ah; WCS zawmtu hi mi 862 an awm mek thu te, April 19 a Pi B. Laldinpuii a boral thu leh WCS inkaihhruaina anga Rs 70,000 a remchang hmasa bera ral a nih tur thu te, 2020 General Meeting in a rel angin, pensioner ten WCS an zawm tawh dawn loh thu leh pensioner la zawm mek thlah hmabak mi 17 an la awm thu te a tel.

Kar leh Thawhlehni, May 2, 2023 k hi Baptist Kohhran Hmeichhe Pawl (BKHP) din champha phaThawhlehni, May 2, 2023 hi Baptist Kohhran Hmeichhe Pawl (BKHP) din champha phak vawi 85-na a ni a. He Ni hi BKHP Unit tinah hman a ni ang. Inkhawm Programme pawh Bial leh Unit ten tul leh tha an tih angin an hmang dawn a ni.

Tunkar chhunga Ramthim Rawngbawlna kan hriat theih te -

ṬKP Electric Pastor Bial, Lunglei chuan April ni 24, 2023, Thawhṭanni zan khan BCM Biak In, Electric Vengah Bial Huap Inkhawm an nei a. Tun tum hi vawihnih an neihna niin, Bial chhunga Unit hrang hrang te an kal tha hle.

ṬKP, Zobawk South Pastor Bial chuan April 21 & 22, 2023  khan BCM Ebenezer Zobawkah, Bial Sports Meet an nei a. Ningani leh Zirtawpni chhun-ah Sports Meet hi neiin, Zobawk Field-ah infiamna chi hrang hrang hmanga inelna neih a ni a. Zirtawp zanah BCM Biak In, Ebenezer Zobawkah Fellowship neiin, Tv. T.Lalchhandama, Assistant Secretary, Bial ṬKP-in Fellowship a kaihruai a. Bial chhunga Unit hrang hrang atangin Special Item a awm bawk.  Rev. C.Lalbiakzuala, Bialtu Pastor-in thuchah sawiin Inelna hrang hrang-a ti thate hnenah Lawmman semna neih  a ni a, hei bakah hian Unit tinin lawmman an dawng bawk.

April 23, 2023 (Pathianni) chawhnu khan TKP Bazar Pastor Bial leh Rahsiveng Pastor Bial, Lunglei te chuan BCM Biak In Venghlunah Joint Fellowship an nei a. MTKP hruaitute - Pu K. Lalawmpuia, MTKP Asst. Secretary leh Pu PC Lalbiakdika, Executive Committee member ten an hmanpui.

Apri 21-23, 2023 chhung khan Pastor Bial hrang hrangah KNP Inkhawmpui hetiang hian neih a ni.

National Christian Council of India (NCCI) Quadrennial Assembly chu April 21-23 chhung khan Henry Martyn Institute, Hyderabad-ah neih a ni a. BCM aiawhin Rev. R. Lalnunzira, AGS Service te,  Nl. Lalhmingmawii Chongthu, MBKHP Secretary leh Nl. Grace Lalrindiki, MTKP Executive Committee member te an kal.

April 23, 2023 (Pathinni) kha Kristian Naupang Pawl Din champhaphak (KNP Day) vawi 80-na a ni a. Kumin KNP Day hi Pathianni a nih avangin Tualchhung Kohhran tam zawkah zing Inkhawm ah KNP Day puala hmangin, hun tam zawk KNP ten item hrang hrang te entirin hun an hmang a, thuchah sawitute pawhin KNP Day thupui thlan sa “Naupang te Chhandamna hriltu an ni thei” tih thu hmangin thuchah an sawi a.  KNP memberte chauh ni lovin Kohhran mpui te nen he hun hi hlim takin hmanho a ni.

Archive & Library building thar hawnna hi April 20, 2023, (Ningani) khan neih a ni a, Upa MS Dawngliana, Archivist-in Inkhawm kaihruaiin,  Upa F. Lalromawia, BCM Airchive & Library Committee member-in Pathian hnena inkawltirna hunserh a hmang.

Mizoram Baptist Kohhran-a Missionary thawk lai, Pi B. Laldinpuii, Evangelist Teacher, BMS, Betbonya-a thawk, Pu K. Lalrualkima, Area incharge, Longpuighat Area nupui   chu April 19, 2023 zing (dar 8:30) khan Trinity Hospital, Aizawl-ah a boral a.  Trinity Hospital ah thlahna hun Rev. R. Lalrintluanga, Executive Secretary, Aizawl in hmangin, Pi B.Laldinpuii ruang hi an inpui Lawngtlai pana phurh a ni a. Kawng dung tluanin Kohhran ho ten lo hmuak zelin thlahna thilpek leh pangpar te an lo hlan a,  BCM Headquarters Office, Serkawn-ah chawlhpuiin, hun hman a ni a. General Secretary Rev. R. Lalbiakliana'n kaihhruaina-in BCM hruaitute leh thawktute, leh Kohhran hrang hrang aiawh ten an lo dawngsawng a, a kuangah pangpar dahin Rev. Dr. R. Lalthanmawia, AGS Mission-in tawgtaina-a a thlah hnu ah, Pi Te-i ruang hi Lunglawn ah chawlhpui a ni leh a, hemi hnu hian Lawngtlai lamah phur phei a ni.

April 17, thawhlehni chawhnu dar 2:30 khan Baptist English School, Serkawn Extension chu Centenary Building, Falkawn, Chanmari Lunglei-ah hawnna leh Pathian hnena hlanna neih a ni a. BES Extension hlanna inkhawm hi Rev. L. Vanlalsanga, Education Director-in a kaihuai a, Director hian BES Extension hmunhma leh building buatsaih dan report tlangpui a pe a. BES Principal, Pi Lalawmpuii leh Pi. Lalramhluni, Supervisor, BES Extension ten school dinhmun tlangpui leh kalpui chhoh zel dan tur ruahmanna te an sawifiah a. Rev. R. Lalnunzira, AGS-Service-in hawnna leh Pathian hnena hlanna a nei.

April 15, 2023 (Inrinni) khan F.W. Savidge hall, Baptist House Upper Khatla-ah FCBH leh BCM Mission te bul tumin Vision Casting programme an hmang. He hunah hian resource persion a tan Rev. Rajpal K.Bhatkar, FCBH Programme Developer for North India and National Director for Bangladesh an hmang.

April ni 19, Nilaini khan Academy of Integrated Christian Studies (AICS) leh Pachhunga University College (PUC) te chuan thawhhona thuthlung (MoU) on Interlibrary Loan (ILL) chu Pachhunga Universtiy College ah an ziak. MoU hi Rev. Dr. C Vanlaldika, Principal AICS leh Prof. H Lalthanzara, Principal PUC te bakah C Lalrinenga, Librarian AICS leh Dr. Lalthanmawii Sailo, Librarian PUC ten an ziak a ni.