April 23, 2023 (Pathinni) kha Kristian Naupang Pawl Din champhaphak (KNP Day) vawi 80-na a ni a. Kumin KNP Day hi Pathianni a nih avangin Tualchhung Kohhran tam zawkah zing Inkhawm ah KNP Day puala hmangin, hun tam zawk KNP ten item hrang hrang te entirin hun an hmang a, thuchah sawitute pawhin KNP Day thupui thlan sa “Naupang te Chhandamna hriltu an ni thei” tih thu hmangin thuchah an sawi a.  KNP memberte chauh ni lovin Kohhran mpui te nen he hun hi hlim takin hmanho a ni.

Archive & Library building thar hawnna hi April 20, 2023, (Ningani) khan neih a ni a, Upa MS Dawngliana, Archivist-in Inkhawm kaihruaiin,  Upa F. Lalromawia, BCM Airchive & Library Committee member-in Pathian hnena inkawltirna hunserh a hmang.

Mizoram Baptist Kohhran-a Missionary thawk lai, Pi B. Laldinpuii, Evangelist Teacher, BMS, Betbonya-a thawk, Pu K. Lalrualkima, Area incharge, Longpuighat Area nupui   chu April 19, 2023 zing (dar 8:30) khan Trinity Hospital, Aizawl-ah a boral a.  Trinity Hospital ah thlahna hun Rev. R. Lalrintluanga, Executive Secretary, Aizawl in hmangin, Pi B.Laldinpuii ruang hi an inpui Lawngtlai pana phurh a ni a. Kawng dung tluanin Kohhran ho ten lo hmuak zelin thlahna thilpek leh pangpar te an lo hlan a,  BCM Headquarters Office, Serkawn-ah chawlhpuiin, hun hman a ni a. General Secretary Rev. R. Lalbiakliana'n kaihhruaina-in BCM hruaitute leh thawktute, leh Kohhran hrang hrang aiawh ten an lo dawngsawng a, a kuangah pangpar dahin Rev. Dr. R. Lalthanmawia, AGS Mission-in tawgtaina-a a thlah hnu ah, Pi Te-i ruang hi Lunglawn ah chawlhpui a ni leh a, hemi hnu hian Lawngtlai lamah phur phei a ni.

April 17, thawhlehni chawhnu dar 2:30 khan Baptist English School, Serkawn Extension chu Centenary Building, Falkawn, Chanmari Lunglei-ah hawnna leh Pathian hnena hlanna neih a ni a. BES Extension hlanna inkhawm hi Rev. L. Vanlalsanga, Education Director-in a kaihuai a, Director hian BES Extension hmunhma leh building buatsaih dan report tlangpui a pe a. BES Principal, Pi Lalawmpuii leh Pi. Lalramhluni, Supervisor, BES Extension ten school dinhmun tlangpui leh kalpui chhoh zel dan tur ruahmanna te an sawifiah a. Rev. R. Lalnunzira, AGS-Service-in hawnna leh Pathian hnena hlanna a nei.

April 15, 2023 (Inrinni) khan F.W. Savidge hall, Baptist House Upper Khatla-ah FCBH leh BCM Mission te bul tumin Vision Casting programme an hmang. He hunah hian resource persion a tan Rev. Rajpal K.Bhatkar, FCBH Programme Developer for North India and National Director for Bangladesh an hmang.

April ni 19, Nilaini khan Academy of Integrated Christian Studies (AICS) leh Pachhunga University College (PUC) te chuan thawhhona thuthlung (MoU) on Interlibrary Loan (ILL) chu Pachhunga Universtiy College ah an ziak. MoU hi Rev. Dr. C Vanlaldika, Principal AICS leh Prof. H Lalthanzara, Principal PUC te bakah C Lalrinenga, Librarian AICS leh Dr. Lalthanmawii Sailo, Librarian PUC ten an ziak a ni.

April 18, 2023  (Thawhlehni) khan Higher and Technical Institute, Mizoram (HATIM) Department of History chuan World Heritage Day hmangin, History Museum hawnna a nei nghal a. Kumin World Heritage Day thupui-ah hian ‘Heritage Changes’ tih an hmang.

April 15 (Inrinni) khan Serkawn pastor Bial Sunday School Committee buatsaihin Senior ‘A’ leh Intemediate zirlai te pualin BCM Biak In, Ramzotlang, Serkawn-ah intawhkhawmna neih a ni a. Upa PC Vanlalrova, Sunday School Trainer chu Resource Person-ah hman a ni.

South Vanlaiphai khaw chhunga tualchhung kohhran pangate tangrualin a din, Baptist English School S.Vanlaiphai chu April16, 2023 (Pathianni) khan BCM Biakin, Sikulveng S.Vanlaiphai ah hawn a ni a. BES hawnna hun hmang hian Rev R. Lalnunzira AGS Service leh Rev. L. Vanlalsanga, Director, Education Department te an kal.

April 15 leh 16 (inrinni leh Pathianni) hmang khan Christian Education Department chuan Mamit Pastor Bial huapin BCM Emmanuel Mamit-ah  Sunday School Seminar an buatsaih a. Rev. ZD Rodingliana, Director Christian Eductation leh SS Trainer  te -  Upa M. Thansiama Electrictveng, Lunglei leh Upa Lalhmukima Kawlni, Dinthar, Aizawl te kalin Training hi an neihpui a ni.

April 15, 2023 (Inrinni) Chawhnu dar 2:00 khan Republic Vengthlang Bial Pastor Quarters hawnnna leh Pathian hnena hlanna neih a ni a. Republic Vengthlang Biak In ah hun hmasa hmangin Rev. JC. Vanlalluaia Bialtu pastorin Inkhawm a kaihruai a.  Republic Vengthlang Pastor Bial Secretary hnen atangin bial report leh Work Supervisor hnen atangin Quarters Sak dan report tlangpui ngaihthlak a ni. Biakin a hun hman zawh a nih hnuin Rev. R. Lalrintluanga Executive Secretary Aizawl area chuan Pastor Quarters hi hawngin Pathian hnena hlanna a nei chhunzawm nghal a ni.

April 16, 2023 (Pathianni) chawhma dar 10:00 khan BCM Biak In, Chamari, Lunglei-ah Regional Director leh Field Director atana Pastoral Ministry Department in a dah thar mi 5 te leh an nupui te tirhchhuahna Inkhawm neih a ni.

ṬKP, Aizawl East Pastor Bial chuan April 15, 2023 (Inrinni) khan MSSC Sport Complex, Lengpui, Aizawl-ah Sports an nei. Bial Sports hawnna hi Tv. Lalmuanpuia Sailo, Chairman, Sports Sub-Committee in kaihruaiin, Tv. Robert Lalchhuanawma, Secretary, Sports Sub-Committee-in report tawi a pe a, Rbt. Isaac Laldawngliana, President, ṬKP Aizawl East Pastor Bial chuan inlungrual taka thawh hona ṭha zawk kan neihna tur leh Bial chhunga TKP memberten rawngbawlna kawnga inpawhna leh inlungrualna tha zawk kan neihna turin Sports hi buatsaih a nih thu sawiin, memberte duhsakna a hlanin Bial TKP Sports hi a hawng ta a ni.

Tunkar ningani, April 13, chawhma dar 8:20 khan Upa LH Liandinga, Missionary-a Tripura leh Ramchhunga Missionary a a thawh hnu a, pension-a chawl ta chu Christian Hospital Serkawn ah kum 72 mi ni in a boral. Hemi ni vek, chawhnu dar 1:00 ah BCM Biak In, Serkawn-ah amah thlahna leh vuina Inkhawm neih a nih hnuin Serkawn thlanmualah thlahliam a ni.

April 16, 2023 (Pathianni) chawhma dar 10:00 hian BCM Biak In, Chamari, Lunglei-ah Regional Director leh Field Director atana Pastoral Ministry Department in a dah thar mi 5 te tirhchhuahna Inkhawm neih a ni dawn a. Rev. Lalremsiama ralte, Mission Director-in Inkhawm kaihruaiin, Rev. R. lalbiakliana, General Secretary-in a tirchhuak ang a, Rev. Dr. R. Lalthanmawia AGS – Mission-in thuchah a sawi ang. Tun tuma Field Director Tirhchhuah turte hi.