Bethel Kohhran Haulawng-ah August 5, inrinni khan "Naupangte Social Media hman chungchang" thupuia hmangin KNP Awareness campaign neih a ni a, Rbt.K.Lalhriatpuia, KNP Trainer-in Awareness hi neihpuiin, Tv. Peter Ramdinzauva'n a tawiawm a. Chawhma leh chawhnu hun-ah thenin tlai dar 3:30 ah an tin a ni.
#BCM Muallungthu Aizawl Central Pastor Bia -ah August 6, 2023 (Pathianni) khan KNP Awareness Campaign neih a ni bawk a. Pi. Ammie Lalnunpuii, KNP Trainer in nilenga hun hmangin, TKP Central Church Male Voice leh Tv. Thawhlehnaniropuia ten an tawiawm a ni. Pathianni zing inkhawmah thuchah sawiin, KNP din chhan leh rawngbawlna hrang hrang te a tarlang a, Kohhran hruaitute leh nu leh pa te tana hriat tur pawimawh tak tak a sawi a, chawhnu lamah KNP te Inkhawm neihpui lehin Inkhawm banah KNP hruaitute pualin Leadership Training a neihpui leh nghal bawk. BCM Muallungthu hi May, 2022 a din a ni a, April 30,2023 –ah KNP hi din a ni a, Member 15 leh Hruaitu 8 an awm mek a ni.
#2nd Bn. MAP, Lungmual-ah pawh KNP Pualin Awareness campaign neih a ni a. KNP Trainer - Lalramhluna Pachuau, KNP Trainer in Awareness hi a neihpui thung a ni. Naupangte hnenah Damdawi hman sual (Drug Abuse) a hlauhawm zia leh ti ve lo tura inven dan te, Mipat-Hmeichhiatna chungchang leh in ven dan te, zirna lama hlawhtlin dan kawng te, thiam thil haichhuah leh hman tangkai dan te kawhhmuhin, zirtirna a pe a. Zirtirna hrang hrang ngaihthlak a nih bakah, hun karlakah Zaia rawngbawlna te ngaihtlak thin a ni a, naupang ten thu an dawngsawng thain kham lo takin hun an hmang a ni.
