The Leprosy Mission, Mizoram hnuaia Chapter 32-na atan TLM, Mizoram - Champhai Chapter chu July 16 (Pathianni) khan BCM Biak In, Kahrawt, Champhai ah neih a ni a. Upa H. Thanzuala, TLM Mizoram Campaign Secretary-in Inkhawm kaihruaiin, Rev TC Zodinsanga, Executive Secretary, TLM Mizoram in TLM Chapter thar hi hawngin, chapter hruaitu tur te lawmluhna leh Pathian hnena hlanna a nei nghal. Rev. PC. Lalropuia, Bialtu Pastor, Champhai Bial-in lawmthusawina neiin, Bethel Pastor Bial Zaipawl leh BCM Kahrawt Kohhran Zaipawl te bakah Nl. Lalrempuii Hnamte, PCI Tanhril leh Nl. Manngaihsuani, Zomi Baptis Church ten fakna hla saa rawngbawlna an nei a. Rev. Vanlalnghaka Jongte, Bialtu Pastor Champhai Bethel Pastor Bial in Malsawm tawngtaina hmang in inkhawm hi a trin a ni.
TLM Champhai Chapter hruaitu lailawk atana ruat te chu hengte hi an ni:
President : Rev. PC Lalropuia, Baptist Church of Mizoram
Vice President : 1) Upa C. Lawmkima, Baptist Church of Mizoram
2) T/Upa K. Langkapa, Zomi Baptist Church
3) Upa Vanlala, Gospel Baptist Church
Secretary : Upa Easter L. Chinzah, Baptist Church of Mizoram
Asst.Secretary : T/Upa Kaikapa, Zomi Baptist Church
Treasurer : Rbt. Vanlallawma Colney, Baptist Church of Mizoram
Fin.Secretary : Upa JH Nokapthanga, Revival Baptist Church
Sr.Advisers : 1) Rev. Vanlalnghaka Jongte – Baptist Church of Mizoram
2) Rev. Lalruatsanga, Revival Baptist Church
3) Rev. Thangdailova, Zomi Baptist Church
Chapter thar hawn bakah hian TLM, Mizoram hruaitute hian TLM Campaign an nei nghal a. Inrinni zanah BCM Zokhawthar leh BCM Venghnuai, Zokhawthar ah hun hmang in, Pathianni zanah BCM N.Khawbung leh Zomi Baptist Church, Bethel, Champhai ah te hun an hmang a ni.
