BCM hruaitute Charge hlan Inkhawm  April 8, 2025  (Thawhlehni )  chawhnu dar 1:00 khan Mizoram Baptist Kohhran hruaitu-a thlan thar te hnena mawhphurhna (charge) hlanna inkhawm BCM Hall, Serkawn ah neih a ni. Inkhawm hi BCM President Rev. Dr. C. Vanlaldika’n a kaihruai a, hruaitu thar te lawmpuina leh fuihna thutawi a sawi hnuah, charge inhlanna  neih a ni

Vawiin April 3rd, 2025 (Ningani) Chawhnu Dar 2:00 khan Multipurpose Building, Baptist Centre, Falkland hawnna leh Pathian hnenah hlanna neih a ni.

March 31, 2025 khan BCM Biak In Bazar Kikawnah Upa leh rawngbawltu pualin Kohhran chanvo leh enkawlna tih thupuia hmangin seminar neih a ni a. Resource person atan Rev. R. Lalnunzira AGS-Service hman a ni.

March 26, 2025 Chawhnu Dar 1;00 khan BCM Biak In Maranatha Church, Lawngtlai chu hawn a ni. Chairman Elect in a kai hruai a, lawm thusawi tawngtaina a neih zawhin, General Secretary, Rev. Dr. R. Lalbiakliana’n a hawnna leh Pathian hnenah hlanna a neih zawhin Biak In thar hawnna inkhawm neih nghal a ni.

Missionary Pi Malsawmsangi Hnialum, BMS Ngengpuitlang a thawk pasal Pu Lalruatkima, Mualțhuam North chu nimin March 27, 2025 ( Ningani tlai ) khan an bathroom-ah tlusual palhin a boral.

Baptist Church of Mizoram chuan a hnuaia Motor (Vehicle) hi tih ral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang. Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang.

Upa RTC. Lalthangura Baptist English School Zawlnuam-a thawklai chu, March 22, 2025 zan dar 10: 45 khan City Hospital Aizawl-ah a borala, March 23, Pathianni khan Zawlnuamah ropui taka thlahliam a ni ta.

TKP Zohnuai Unit te chuan an din kum 75-na Platinum Jubilee Puala Lunglei Town TKP Volleyball Tournament an buat saih chu Zawh fel a ni ta. Tournament hi March 10, 2025 ah tannin, March 18th, 2025 Thawhlehni zan khan Final Match khelin, closing ceremony pawh neih chhunzawm nghal a ni.

March 13, 2025 (Ningani) Good News Society Board meeting-in a lo rel tawh angin, Good News Society chu BCM hnenah March 21, 2025(Zirtawpni) zan khan hlan fel a ni ta.

Vawiin March 15, 2025 (Inrinni) nileng hian Literature & Printing hnuaia Publication Board in a buatsaih Lunglei khawpui chhunga tualchhung kohhran hrang hrangte atangin mi panga zel literature lama tui mi leh tualchhung kohhran chanchinbu enkawltute pualin BCM Hall, Serkawn ah Literature Workshop neih a ni.

March 14- 16, 2025 ( Zirtawpni zan atanga Pathianni zan ) chhung hian Lawngtlai Area Baptist Mipa Pawl Meet vawi 3-na BCM Biak In, Electric Veng, Lawngtlai-ah “ I ram lo thleng rawh se (Mathaia 6:10) ” tih thupui a hmangin meet neih a ni. Speaker atan Rev. Dr. H. Lalthlamuana Executive Secretary, Lawngtlai Area chu hman a ni.

Vawiin March 14, 2025, (Zirtawpni) chawhnu dar 2:00 khan Pastor Thanzinga Chapel, AICS- ah Valedictory Service Vawi 23-na neih a ni. Principal Rev. Dr. C. Vanlaldika’n inkhawm kaihruaiin, kalchhuakte fuihna thuchah Rev. Dr. V. Laldingliana’n a sawi. Inkhawm-ah hian zirna inpui neitu BCM aiawhin Rev. R. Lalnunzira, AGS-Service in thu a sawi bawk.

March 13, 2025 (Ningani) khan Muslim-te zinga rawngbawltu pawimawh tak, Good News Society chuan Baptist House, Guwahati-ah Board meeting an nei. He meeting-ah hian Good News Society rawngbawlna leh property (Ram/Land) te chu BCM hnena hlan an rel.

March 16, 2025 ( Pathianni) chawhma dar 10:00 hian Mizoram Baptist Kohhran Probationary Pastor lak thar mi panga lakluhna Inkhawm (Induction Service), BCM Biak In, Farm Veng-ah neih a ni dawn.

Mizoram Baptist Kohhran, Assembly vawi 129 -na BCM Biak In Chanmari-a neih mek-ah, vawiin March 9, 2025 (Pathianni) zing dar 10:00 khan Pastor nemngheh inkhawm (Ordination Service) neih a ni.