May 4, 2024 (Inrinni) chawhma dar 11:00 khan Aizawl Area Development Committee Meeting, Baptist Centre, Falkland-ah neih a ni a. Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawkin report a pe a. Tun tum meeting-ah hian committee member 52 an tel thei a ni.
May 3-5 hmang khan BKHP Lawngtlai South Pastor Bial chuan, BCM Biak In Chawnhu ah Tawngtai Inkhawmpui an nei a, Bialtu Pastor Rev K. Laldosanga chu Speaker niin, Speaker hian thupui thlan sa, "Tho la, I Pathian ko rawh" tih thupui hmangin thuchah a puangchhuak thin a ni. Biak In lamah Inkhawm Programme bakah hian Inrinni chawhnu-ah Pastor Thanzinga Tawngtaina tlangah Bethel an nei a, hetah hian BKHP member 130 chuang an tel a ni.
April ni 30 atanga May ni 3 chhung khan Vision Centre Christian Hospital, Serkawn-ah Eye Care, Aizawl leh Christian Hospital, Serkawn te tangkawpin Mit entirna runpui (Eye Camp) an buatsaih a. Eye Care, Aizawl atangin Dr. K. Lalremsanga hovin Mit lam thiam doctor leh thawktu te an lo kal a, Christian Hospital-a Doctor leh Nurse ten lo tawiawmin hlawhtling takin Eye Camp hi neih a ni. Tun tumah hian mi 123 inentirin, heng atang hian Contaract (Mitnaute paw) 28 an zai sak a ni.
May 4, 2024 kha Baptist Mipa Pawl (BMP) din champha phak vawi 44-na a ni a. Kumin BMP Day thupui chu “Kristian Chhungkua’ tih a ni. Hemi ni hian BMP Unit hrang hrang ten zingkarah khawlai tihfai hnatlang te an thawk a, Unit thenkhatah chuan awmni khamin nilengin hun hman a n
Mizoram Baptist Kohhran, Medical & Health Department, Christian Hospital, Serkawn-a LDC hna thawk mek Pu C. Vanlalnghaka chu. May 1, 2024 (Nilaini) chawhma dar 11:40 khan Christian Medical College & Hospital, Vellore -ah chatuan ram min pan san ta.
Mizoram Baptist Kohhran, Theological Education Committee Meeting May 3, 2024-a neih chuan Academic Session thar 2024-2025 atan Pathianthu leh Church Music zir tur hetiang hian a la thar.
1. Master of Theology (M.Th) zir tur mi - 9
2. Bachelor of Divinity (B.D) zir tur- 24
3. Master of Divinity - 5
4. Diploma in Church Music zir tur – 3
Result kimchang hre duh tan a hnuaia link tarlan ah hian en theih a ni a, tin PDF file hi download theih a ni e.
#May 2, 2024 kha Baptist Kohhran Hmeichhe Pawl (BKHP) din champha phak vawi 86-na a ni a. Kumin BKHP Day thupui chu “Tho la i Pathian ko rawh’ (Jona 1:6) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang thei te chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Mission Field leh Kohhran harsa zual tanpui nan hman tura ruahman a ni.
Administartive Committee ruahmanna a kum 5 lai deputation a a awm hnu in, May 1, 2024 (Nilaini) chawhnu dar 1:30 khan Associate General Secretary-Service kaihhruaina-in Audio Visual Production Manager ni lai Tv C. Lalhmachhuana chuan Pu C. Lalengkima, Senior Production Assistant, hnenah Manager charge a hlan a, Manager thar ruat a nih hma chu Pu C. Lalengkima hian Manger mawhphurhna (charge) hi a chelh rih ang.
April ni 30, 2024 (Thawhlehni) chawhnu dar 1:00 khan Aizawl Area Development Working Committee Meeting, Baptist Centre, Falkland-ah neih a ni a. Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawkin report a pe.
April 26-28, 2024 hmang khan Thalai Kristian pawl, Lawngtlai South Pastor Bial te chuan kum chanve intawhkhawm leh Crusade an nei a. Speaker-ah Rev. Dr. R. Lalthanmawia, AGS-Mission hmangin thupui-ah ‘Thalaite leh rawngbawlna’ tih hman a ni.
April 27 leh 28 hmang hian BBC Rotlang West ah SS Training neih a ni a. Zirtirna pe hian Upa R. Lalhmingmawia leh Upa Pc Lalthansanga SS Trainer te an kal. He hunah hian missionary, kohhran hruaitute leh Sunday School zirtirtute bakah fellowship hrang hrang hruaitute mi 31 kalin, Inrinni nilengin Training neih a ni.
April 26-29, 2024 hmang khan Zohnuai East Kohhran chuan Mission Convention an nei a, Speaker-ah Pu T. Nghaksanga, Mission Promoter an hmang. Speaker hi F. Lalrohlua te nupa Arunachal field-a missionary leh Pu David Lalruatfela MP & MH Field-a thawk AICS-a Training tura rawn chhuak ten an tawiawm a, Serkawn Pastor Bial Zaipawl bakah Tualchhung Kohhran Zaipawl te leh KNP Zaipawl ten zaia rawngbawlna an nei bawk.
March leh April thla khan Upa MS Dawngliana Archivist chu, Thailand-a Dr. ZOthansiami Ralte rawngbawlna leh a hnathawhna hmuna zirlaite training leh rawngbawl zel dan tur ruahmanna te neihpui in a kal a. Dr. Zothansiami Ralte te hi mahni a intum chawp (Tent making) Missionary ni in, Karen hnam zingah kum 38 zet a rawngbawlin a awm tawh a, BCM recognized missionary a ni.
April 28, 2024 kha Mizoram Baptist Kohhran Ni pawimawh (Special Sunday) “Buhfaitham Pathianni” a ni a, Thufingte 11 : 24 thu “Sem darh chu pun lehzualna a ni”. tih chu thupuiah hman a ni.
Bualte leh Ṭhualṭhu khaw inkara lei min nasa tak avanga khualzin tangkhangte chhawmdawlna atan BCM chuan Charity Fund aţangin khawtlang hruaitute hnenah thilpek an hlan. Bualte leh Thualthu inkar leimin hi July 7, 2026 (Thawhlehni zan) ruahsur nasa tak khan lei ti minin, kawng a ti pinga, a tuk tlai aṭangin khawtlang hian ei leh in tur ngaihtuahsakin an buaipui nghal a ni. …
July 6, 2026 (Thawhtanni) khan TKP Hermon Unit, Theiriat te chuan Pangpar khawi training R&D Department te an sawm angin, Pangpangpar khawi Training-ah hian Resource Person atan Nl. Lalbiakengi Chhangte, Chanmari Lunglei hman a ni a. A ni hian zirtirna hun tha tak a hmang. …
June 30, 2026 (Thawhlehni) chawhnu dar 2:00pm khan Pi ZD. Lalliansangi, Staff Nurse Christian Hospital Serkawn-a thawk chu supper Annuation pension-a a chhuat dawn tak avangin Christian Hospital Serkawn a thawhpui te’n Hospipal Chapel-ah amah thlahna hun an hmang. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..
