BCM Assembly-in Sikkim Mission Field thar hawn tura a rel ang leh Mission Department-in ruahmanna a siam angin June 11, 2023 (Pathianni) khan Sikkim Mission Field chu Rev. Dr. R. Lalthanmawia, AGS-Mission chuan a hawng ta..

June 9, 2023 (Zirtawpni) kha International Archives Day vawi 75-na a ni a. Hemi Ni denchhen hian Mizoram Sorkar, Art & Culture Department chuan 'Archives kal phung leh a pawimawhna' tih thupui hmangin Archives Hall Babu tlang Aizawlah Seminar neih a ni a, Archives nei - Sorkar leh Kohhran leh mimal sawm bik mi 20 telin, BCM Archivist - Upa MS Dawngliana pawh tel tura sawm a nih angin a tel. Seminar-ah hian Mithiam te buatsaih paper zirhona leh sawi hona hun tha tak hman a ni a, Archives and Library hmanga tha zawk a hna thawh dan te leh thawh hona tur kawng te sawi ho a ni...

June 9, 2023 (Zirtawpni) khan Pastors' Manual chu General Secretary Rev. R. Lalbiakliana’n a tlangzarh. Lehkhabu tlangzarhna hi BCM Hqrs. Office, Devotions hman zawhah neih chhunzawm a ni a. Rev. Vanlalmuankima, Pastoral Department Director-in kaihruaiin, Pastors' Manual buatsaih anih dan leh a chhunga thu awm te a sawifiah bawk. He hunah hian Hqrs. Office-a thawktute bakah Lunglei khaw chhunga Bialtu Pastor te an tel a ni.

June 9 -11  hmang khan BKHP Buarpui 'S' Bial chuan BCM Biak In,  Immanuel, Buarpui ah  'Rinawmna' tih thupui hmangin Seminar an nei a. Rbt. H. Lalkimi, Vice President, MBKHP chu speaker niin, MBKHP  Executive comtt. member pahnih Pi. Zothanbuang leh Pi. R. Lalnunziri te chu Seminar Resource person-ah hman an ni.

June 11, 2023 (Pathianni) hmang khan Thalai Kristian Pawl Central Pastor Bial , Aizawl chuan BCM Biak In, Falkawn-ah Zaikutpui an buatsaih a. Zing dar Dar 10:00 Inkhawm tanin, Pu F. Lalramchhana, Bial TKP President-in inkhawm kaihruai a, Bial TKP Secrcetary hnen atangin bial report tlangpui ngaihthlak a ni a. Aizawl Area Baptist Choir, Central Pastor Bial Zaipawl, Central Church leh City Church Zaipawl ten fakna hla remin Falkawn Unit Group zai, BIB Trio, Bethel Unit, Nl. Vnanlalruati Ralte leh Nl. Zoramhmangaihzuali ten fakna hla an sa bawk. Rev. K. Lalnunsanga, Bialtu pastor-in thuchahsawiin, Bial TKP buatsaih Bible ralchhan lawmman sem a ni bawk.

Mizoram Baptist Kohhran, Headquarters Office, Serkawn Lunglei-a thawk lai, Tv. Lalruatkima Fanai (Papuia) LDC, Property Department-a thawk mek chu Vawiin, June 8, 2023 (Ningani) chawhnu dar 1:45 khan Christian Hopital, Serkawn-ah Internal Bleeding avangin chatuan ram min san san ta.

Manipur buaina avanga zohnahthlak tam tak, raltlana awm te tlawh leh chhawmdawlna te pe turin BCM Relief Team te an kal. BCM Relief Team te hi Rev. L. Vanlalsanga, Director-in kaihruaiin, Pu Lalrinawma, Coordinator, R&D, Pu B. Malsawmkima leh Pu H. Lalrinpuia, BCM Hqrs.Office-a thawktute an ni. June ni 5 khan BCM Hqrs. Serkawn chhuahsanin Aizawl-ah an riak a, Aizawlah hain tanpuina tur mamawh te an lam khawm nghal a. June 6 (Nilaini) zing-ah Aizawl, Falkland-ah Executive Secrcetary - Rev. R. Lalrintluanga’n Tawngtaina neiin, Kohhran hoten an vai liam ta a ni.

MBKHP-in Kum 2023-2024 Plan-a an dah -  Tlawhkhat Bial tlawh ni se tih bawhzuina kal zelah June 3-4 hmang khan Khawruhlian Pastor Bial tlawhin  MBKHP hruaitute  chu Pi V.Biaklawmi, Asst.Secretary leh Executive committee member pahnih Pi P.C.Roduhawmi leh Pi V.Lalnunziri , te an kal.

June 3, 2023 (Inrinni)  khan Republic Vengthlang Pastor Bial Worship Committee chuan an Bial chhung kohhran zaipawlten hmasawnna an neih beiseiin, Kohhran Zaipawl intihsiakna an buatsaih a. Chawhma ah Upa Vanmawia hlaphuah ‘Damna tui a luang’ tih hla leh chawhnu lamah anmahni duh ber hmangin inelna neih a ni. Bial chhung Kohhran hrang hrang atangin Zaipawl panga-Bethlehem Vengthlang, Venghlui, Republic Vengthlang, ITI leh Salem Kohhran Zaipawl te an tel thei a ni.

June 4, 2023 (Pathianni) kha Mizoram Baptist Kohhran chuan Education Sunday-ah hmangin Tualchhung Kohhran tinah Pathianni zing Inkhawm-ah Education lam inzirtirna neih a ni a, hemi ni thupuiah II Tim 3:17 thu - ‘Thiamna chhawr tlâk, hna tha thawk turin’ tih chu hman a ni.

June 2, 2023 (Zirtawpni) chawhnu dar 2:00 khan Headquarters hruaitute leh Baptist Higher Secondary School, Serkawn Zirtirtute chuan BCM Hall, Serkawn-ah BHSS hmasawnna tur leh than zelna atana pawimawh te sawiin inkawmhona an nei.

June 1 leh ni 2 chamin Canadian Baptist Ministry (CBM) hotute - Pu Chellem Purushotham Raju leh Pu Inkummeren Jamir te chuan BCM Headquarters, Serkawn an rawn tlawh a. R&D hotuten lo dawngsawngin, BCM hruaitute nen inhmelhriattirna leh inkawmna hun tha tak an nei a. CBM hotute hian R&D leh CBM te thawhho na hnuaiah Sustainable Community Development kalpui mek te a hmuna an enpui a. Lunglei-a Beautician Training centre te, Zawlpui leh Boliaveng-a Lo leh huan neitute an tlawh pui an ni, Nl. T. Lalfawnveli, Asst.Coordninator leh Pu Lalrinkima, Project Accountant ten an tawiawm a ni.

June 3-4 khan Cherhlun Pastor Bial chuan “Pathian nung Fakna” tih thupui a hmangin Bial huap Fakna inkhawmpui, BCM Kalvari, Cherhlun-ah an nei a. Speaker atan Rbt C. Lalnunpuia (BCM Bazarveng) chu hman niin, Lunglei Bazar Pastor Bial Zaipawl leh Nl C. Lalrindiki (BCM Bazar Veng) ten zaia rawngbawlna an nei bawk.

June 2, 2023 (Zirtawpni) khan BKHP Shillong Pastor Bial chuan BCM Biak In, Shillongah tunlai khawvela Issue lian tak mai - neih inang inkawp leh LGBTQ chungchang-a Bible zirtirna leh Nu ho ten an fate hemi lama zirtirna an pek dan tur inkawhhmuhna leh zirhona (Seminar) an nei a, Resource Person-ah Bial BKHP President - Pi F. lalengmaii an hmang.

BCM Assembly-in Baptist Camping Centre buatsaih ni se ti-a a rel bawhzuiin, Administrative Committee chuan Ramzotlang-a R&D Complex hlui chu Camping Centre-a hman turin a ti a. Hemi atan hian Building thuam that leh hmunhma buatsaih hna hi Lunglei Khawpui chhunga Kohhran hrang hrang te a inchhawkin hnatlang an thawk a.....